News

ÁSMUNDARSAFN - LEIRLISTSMIÐJA OG LEIÐSÖGN ÁSDÍSAR ÁSMUNDSDÓTTUR SUNNUDAGINN 27. APRÍL, KL. 13 - 16

Í sínum kunnustu verkum leitaði Ásmundur fanga í þjóðsögum og daglegu lífi alþýðufólks og náði þannig að brúa bilið milli listarinnar og hversdagslegra athafna í lífi þjóðarinnar.

Hugmyndin með listsmiðjunni í Ásmundarsafni á sunnudaginn er að fá börn og fullorðna til að vinna saman.  Byrjað verður á stuttri yfirferð um sýninguna en að því loknu er sest niður í vinnustofu með leir og viðeigandi ve rkfæri til að móta leirinn undir áhrifum frá Ásmundi. Umsjón með listsmiðjunni hefur Sigríður Ólafsdóttir myndlistarmaður.
Listsmiðjan stendur yfir frá kl. 13 - 16 og er öllum opin.

LEIÐSÖGN
Kl. 14:00 mun Ásdís Ásmundsdóttir, dóttir listamannsins, taka þátt í leiðsögn um Ásmundarsafn en eins og kunnugt er byggði og hannaði Ásmundur húsið að mestu leyti sjálfur. Í leiðsögn sinni um húsið rifjar Ásdís upp æskuárin og ræðir um föður sinn og verk hans.

AÐGANGUR ÓKEYPIS
LISTASAFN REYKJAVÍKUR ER SAFNIÐ ÞITT