VIKA 7 - 2013 - FRÉTTABRÉF LISTASAFNS REYKJAVÍKUR

    Facebook Twitter Áframsenda
 

ENGLISH VERSION

 

FLÆÐI TRÍÓ REYKJAVÍKUR ÍVAR SAFNANÓTT
Jón Gnarr Ívar Valgarðsson

UPPÁHALDS-
VERK JÓNS

HÁDEGIS-
TÓNLEIKAR
LISTAMANNS-
SPJALL
LJÓSMYNDIR

 

VIKA 7 - FRÉTTABRÉF LISTASAFNS REYKJAVÍKUR

Mikil aðsókn  hefur verið á sýninguna, Flæði á Kjarvalsstöðum og gestir áhugasamir um að spjalla um verkin við starfsfólk sem vinnur á sýninguna. Þá gefst gestum tækifæri til að skrá niður sögur í möppur sem liggja frammi í sýningarsalnum. Sýningin er síbreytileg en daglega er skipt um 5-10 verk í salnum. Við minnum á afmælistilboðið sem felur í sér að gestir sem koma í þriðja skipti á Flæði fá ókeypis inn og árskort á Listasafn Reykjavíkur. 

Safnanótt

Fjöldi fólks lagði leið sína í öll hús Listasafns Reykjavíkur á Safnanótt. Fjöldi viðburða var í boði frá kl. 19.00-24.00 og greinilegt að gestir skemmtu sér vel. Hér er hægt að nálgast myndir frá Safnanótt.

 

 

FLÆÐI: UPPÁHALDSVERK - JÓN GNARR
KJARVALSSTAÐIR, FIMMTUDAG 14. FEBRÚAR KL. 12:15


Jón Gnarr, borgarstjóri

Færa í dagatal:

Facebook - Google - Outlook

 


Í tengslum við sýninguna Flæði hefur Listasafn Reykjavíkur kallað eftir aðstoð frá hópi fólks til velja sér uppáhaldsverkið sitt á sýningunni. Fimmtudaginn 14. febrúar kl. 12.15 ætlar Jón Gnarr borgarstjóri að segja frá vali sínu á verki vikunnar í samtali við gesti safnsins.

Á þessari óvenjulegu sýningu gefst almenningi einstætt tækifæri til að sjá stóran hluta af safneign Listasafns Reykjavíkur. Sýningin tekur stöðugum breytingum þá tæpu fjóra mánuði sem hún stendur yfir en verkum verður sífellt skipt út á sýningartímanum, jafnvel meðan gestir eru viðstaddir. Það má því búast við spennandi sýningu þar sem gestum gefst kostur á að kynnast safneign Listasafns Reykjavíkur á nýjan og spennandi hátt.

Verki vikunnar verður valið alla fimmtudaga kl. 12.15 á meðan á sýningu stendur. Nánari útlistun á gestum hverju sinni má finna hér.


 

 

 

 

 

VOR OG RÓMANTÍK MEÐ TRÍÓI REYKJAVÍKUR
KJARVALSSTAÐIR, FÖSTUDAG 15. FEBRÚAR KL 12.15



Guðný Guðmundsdóttir og Peter Maté.

Færa í dagatal:

Facebook - Google - Outlook

 


Listasafn Reykjavíkur og Tríó Reykjavíkur bjóða reglulega upp á ókeypis hádegistónleikaröð á Kjarvalsstöðum. Tónleikarnir hafa fengið góð viðbrögð og margir sem hafa nýtt sér einstakt tækifæri á að hlýða á fremsta tónlistarfólk landsins í notalegu andrúmslofti.

Næstkomandi föstudag bíður Tróið upp á ljúfan vorboða og flytur hina sívinsælu Vorsónötu Beethovens og ástarljóð eftir tékkneska tónskáldið Joseph Suk.

Flytjendur eru þau Guðný Guðmundsdóttir fiðluleikari og Peter Maté píanóleikari. Tónleikarnir eru um 45 mínútur og tilvalið að njóta girnilegra rétta á Kaffi Kompaníinu á Kjarvalsstöðum fyrir eða eftir tónleikana.
Aðgangur er ókeypis og allir velkomnir.

>Sjá efnisskrá

 

 

 

 

LISTAMANNSSPJALL: TIL SPILLIS MEÐ ÍVARI VALGARÐSSYNI
HAFNARHÚS, SUNNUDAG 17. FEBRÚAR KL. 15


Ívar Valgarðsson
Ívar Valgarðsson

Færa í dagatal:

Facebook - Google - Outlook

 


Listamaðurinn Ívar Valgarðsson spjallar um innsetningu sína Til spillis sem nú er að finna  í A-sal Hafnarhússins. Innsetningin samanstendur af þremur veggmyndum af málningardropum sem hafa lekið á gólfið í A-sal í Hafnarhúsi, Listasafni Reykjavíkur, auk þriggja ljósmynda. Ívar beinir stafrænum smásjármyndavélum, sem ætlaðar eru til vísindarannsókna, að dropunum og varpar myndum í rauntíma á veggina, eins konar stækkuðum stafrænum málverkum af dropunum. Hann vekur þannig athygli á málningu sem hefur farið til spillis og færir sér í nyt gáleysi málarans, sem málaði veggi sýningarsalarins, með því að færa dropana aftur upp á veggina.

Til spillis er líkt og fyrri verk Ívars nákvæmlega útfært, vel ígrundað og ljóðrænt. Ívar hrífst af þeim sköpunarkrafti sem á sér stað í mótun og uppbyggingu hins manngerða umhverfis, í háspennulínum sem flytja rafmagn milli landshluta, olíublettum á götu, málningarlögum á húsveggjum eða, eins og hér, í málningardropum sem hafa lekið á gólfið. Ívar hrífst þannig fyrst og fremst af síbreytileika og hringrás efnis og hugmynda.

Frítt er fyrir handhafa Menningarkortsins, en nánari upplýsingar um aðgangseyri eru hér.
Nánari upplýsingar um fræðslu og viðburði má finna hér.

 

 

 
 
 

Listasafn Reykjavíkur á:

Facebook Twitter Flickr YouTube Vimeo

 
 
 
 
Með kveðju,
Berghildur Erla Bernharðsdóttir
Kynningarstjóri Listasafns Reykjavíkur
Sími 590-1200 / 694-5149

Listasafn Reykjavíkur
Sími 590-1200
listasafn@reykjavik.is
Hafnarhús
Opið daglega 10-17, fimmtudaga 10-20

Kjarvalsstaðir
Opið daglega 10-17

Ásmundarsafn
Opið maí - sept 10-17 / okt. - apríl lau.& sun.13-17
 
 
 
 
 
   

 

Print




 

Mobile | Contact us | Sitemap | Large/small     

 

 

Hafnarhus

Visit the museum
Open: 10:00 - 17:00
Thursday 10:00 - 20:00
 

Kjarvalsstadir

Visit the museum
Open: 10:00 - 17:00

 

Asmundarsafn

Visit the museum
Open: 13:00 - 17:00